Fosshaugane
 Fosshaugane Stadion er hovudarenaen til Sogndal Fotball, som eig og driv anlegget. Dette er ein rein, intim fotballarena. To av sidene har moderne tribuneanlegg, Sognekraft-tribuna på langsida og Sogningen-tribuna på kortsida. Dei to andre sidene har mindre tribuneanlegg, slik at den samla tribunekapasiteten er om lag 5.000.
Under Sogningen-tribuna er det eit næringsbygg med garderobeanlegg, klubblokale, squash-hall og utleigelokale til kontor og undervising som Høgskulen i Sogn og Fjordane disponerer.
Anlegget er utbetra med flaumlys og undervarme og nytt tribuneanlegg med berre sitjeplassar – m.a. for å tilfredsstille FIFA sine krav er under oppføring.
Vis-a-vis Fosshaugane stadion ligg det ei grusbane i full storleik til fotball og anna ball-leik. Bana vert òg nytta til tivoli og sirkus, anna næringsverksemd og parkeringsplass ved store tilstellingar på Fosshaugane eller i Sognahallen.
Telefon: 57 62 90 00
E-post: post@sogndalfotball.no
Sist endra av Maj Britt Solberg,
30.06.2008
|